Navoiyda sodir bo‘lgan YTHda 3 kishi halok bo‘ldi
Yo‘l-transport hodisasiga Nexia mashinasini boshqarib borayotgan 20 yoshli haydovchi boshqaruvni yo‘qotib qo‘yishi sabab bo‘lgan: mashina yo‘l chetiga chiqib ketib, ag‘darilgan.
Tomdi tumanida insonlar o‘limi bilan bog‘liq yo‘l-transport hodisasi sodir bo‘ldi. Bu haqda Kun.uz’ga Navoiy viloyati IIB YHXB matbuot xizmati xabar berdi.
Ma’lum qilinishicha, YTH 20 oktyabr kuni soat 17:30 larda Tomdi tumani hududida sodir bo‘lgan. 20 yoshli haydovchi boshqaruvidagi Nexia mashinasi yo‘l chetiga chiqib ketgan hamda ag‘darilgan. Buning oqibatida 2 kishi voqea joyida, bir kishi shifoxonada vafot etgan. Halok bo‘lganlardan biri 3 yoshli bola bo‘lgan. Shuningdek, ikki kishi shifoxonaning jonlantirish bo‘limiga yotqizilgan.
Hozirda holat yuzasidan dastlabki tergov harakatlari olib borilmoqda.
Oldinroq Uchquduq tumanida ikkita Nexia to‘qnashishi oqibatida 3 kishi halok bo‘lgandi.
Mavzuga oid
14:06 / 11.10.2024
Ruldagi bola qamalar, Gentra’ni ijaraga bergan-chi? Noqonuniy mashina ijarasi o‘smirlar o‘limiga sabab bo‘lmoqda
12:14 / 11.10.2024
“Yana nechta bola yo‘llarda o‘lishi kerak?” – ko‘paygan avariyalar haqida katta suhbat
09:51 / 11.10.2024
Toshkentda "Spark" va "Matiz" to‘qnashishi oqibatida bir kishi halok bo‘ldi
21:38 / 10.10.2024