Beshta arxeologik yodgorlik ochiq osmon ostidagi muzeyga aylantiriladi

Toshkentdagi «Chilonzor Oqtepa», Surxondaryodagi «Dalverzintepa», Andijondagi «Mingtepa», Samarqanddagi «Sheroz qal’a» va Qoraqalpog‘istondagi «Qo‘yqirilgan qal’a» arxeologik yodgorliklarida ochiq osmon ostidagi muzeylarni yaratish ustida ish olib borilmoqda.

O‘zbekistondagi beshta arxeologik yodgorlik ochiq osmon ostidagi muzey va sayyohlik obektlariga aylanadi.

Hududiy restavratsiya markazlari tomonidan Toshkentdagi «Chilonzor Oqtepa», Surxondaryo viloyatidagi «Dalverzintepa», Andijon viloyatidagi «Mingtepa», Samarqand viloyatidagi «Sheroz qal’a», Qoraqalpog‘istonning Ellikqal’a tumanidagi «Qo‘yqirilgan qal’a» arxeologik yodgorliklarida qator ishlar amalga oshirildi.

«Sheroz qal’a» arxeologik yodgorliklarini muzeylashtirish uchun Madaniy meros agentligi tomonidan 1 mlrd so‘m, «Dalverzintepa» 800 mln so‘m, «Chilonzor Oqtepa»ga 500 mln so‘m mablag‘ ajratildi.

Obektlarning konvervatsiyalanadigan qismlari metall konstruksiyalar bilan qoplangan yoki panjara bilan o‘ralgan bo‘ladi. Kuzatuv maydonchalari qurish, tashrif buyuruvchilar uchun o‘rindiqlar joylashtirish, yo‘lakchalar yotqizish, lampalar o‘rnatish ham rejalashtirilgan.