Qoʻshimcha funksionallar
-
Tungi ko‘rinish
Eron ShHT davlatlarini o‘zaro hujum qilmaslik to‘g‘risida pakt imzolashga chaqirdi
Hamkorlikda xavfsizlik va mustahkam tinchlikni birinchi navbatda ShHT a’zolari o‘rtasida amalga oshirish taklif etildi.
Foto: Getty Images
Eron oliy rahbari Ali Xomanaiy maslahatchisi general Rahim Safaviy Xitoyga tashrifi chog‘ida Shanxay hamkorlik tashkilotiga (ShHT) a’zo davlatlar o‘zaro «hujum qilmaslik to‘g‘risida» pakt imzolashi kerakligini aytdi. Bu haqda Fars News agentligiga tayanib TASS xabar berdi.
«Men hamkorlikda xavfsizlik va mustahkam tinchlikni birinchi navbatda ShHT a’zolari o‘rtasida amalga oshirishni taklif qilaman, bu harakat namunasi ShHT a’zolari o‘rtasida o‘zaro hujum qilmaslik to‘g‘risida pakt imzolash bilan bo‘ladi», dedi u.
ShHT mintaqaviy xalqaro birlashma bo‘lib, unga to‘qqiz davlat: Rossiya, Hindiston, Eron, Qozog‘iston, Qirg‘iziston, Xitoy, Pokiston, Tojikiston va O‘zbekiston kiradi.
Xavfsizlik sohasidagi hamkorlik doirasida ShHT a’zolari muntazam ravishda qo‘shma aksilterror mashg‘ulotlarini o‘tkazib turadi, ulardan eng yirigi - «Tinchlik missiyasi» 2003 yildan beri o‘tkazilmoqda.
Eron 2023 yil 4 iyulda Shanxay hamkorlik tashkilotining to‘qqizinchi a’zosiga aylandi.
Mavzuga oid
21:54 / 02.04.2025
Isroil va AQSh Eronning yadroviy obektlariga zarba berishga tayyorlanmoqda - OAV
21:38 / 31.03.2025
Eron oliy rahbari agar AQSh zarba bersa, keskin javob qaytarilishini ma’lum qildi
08:20 / 31.03.2025
Tramp Eronga «misli ko‘rilmagan bombardimonlar» bilan tahdid qildi
20:58 / 30.03.2025