Toshkentda elektr tarmog‘idagi nosozlik tufayli 3 300 iste’molchi chiroqsiz qoldi
Chilonzor tumanida 1 800, Shayxontohur va Olmazor tumanlarida 1 500 iste’molchi chiroqsiz qolgan
Bugun 2024 yil 7 yanvar kuni soat 17:54 da Toshkent shahridagi 35 kV kuchlanishli 2 ta elektr uzatish tarmog‘ida nosozlik yuzaga kelgan. Bu haqda Energetika vazirligi matbuot xizmati xabar bermoqda.
Oqibatda, Chilonzor tumanida 1800 ta, Shayxontohur va Olmazor tumanlarida 1500 ta iste’molchi qisman elektr ta’minotidan uzilgan.
“Hozirgi vaqtda ushbu nosozliklarni bartaraf etish ishlari olib borilmoqda. Nosozlik qisqa vaqt ichida bartaraf etiladi va iste’molchilarning elektr ta’minoti qayta tiklanadi. Keltirilgan noqulayliklar uchun iste’molchilardan uzr so‘raymiz”, deyiladi xabarda.
Ijtimoiy tarmoqlarda , ayni paytda Chilonzor va Shayxontohur tumanlaridagi ko‘plab chorrahalarda svetoforlar ishlamayotgani, hatto metroning bir nechta bekatlarida ham chiroq yo‘qligi aytilmoqda.
So‘nggi paytlarda Toshkent shahrida eletr tarmoqlari va turli podstansiyalarda sodir bo‘layotgan nosozlik ortidan tez-tez elektr ta’minotida uzilishlar bo‘layapti.
Jumladan, «Sag‘bon» podstansiyasida bir necha marta avariya yuz berishi oqibatida Toshkent shahri Olmazor tumanining katta qismi elektr ta’minotidan uzilgandi.
Mavzuga oid
09:33 / 28.07.2024
Energetika vazirligi elektr energiyasi rejali o‘chirilishi haqidagi xabarlarni rad etdi
17:29 / 19.07.2024
«Bu yolg‘on» – iqtisodchi Energetika vazirligining yuridik shaxslarga elektr toki uchun oshirilgan tariflar qo‘llashga oid argumentlarini rad etdi
21:44 / 18.05.2024
Noqulay ob-havo sharoiti tufayli tarmoqdan uzilgan iste’molchilarning elektr ta’minoti to‘liq tiklandi
12:59 / 15.05.2024