O‘zbekiston | 18:27 / 10.01.2024
3117
1 daqiqa o‘qiladi
Toshkent va Namangan viloyatida qor ko‘chish xavfi e’lon qilindi
11-16 yanvar kunlari aholidan ehtiyot choralarini ko‘rish so‘raldi.
«O‘zgidromet» xabariga ko‘ra, 11-16 yanvar kunlari yog‘ingarchilik hamda havo haroratining keskin o‘zgarishi kutilmoqda.
Shu sababli respublikaning tog‘li hududlarida, jumladan Toshkent viloyatining Bo‘stonliq, Ohangaron va Parkent tumanlarida (Chotqol tizmasi tog‘lari), shuningdek, Namangan viloyatining Pop tumanida qor ko‘chish xavfi e’lon qilinadi.
Tog‘li hududlarda istiqomat qiluvchi fuqarolar, dam oluvchilar hamda haydovchilardan ehtiyot choralari ko‘rish so‘ralmoqda.