565 ta davolash muassasasida sun’iy intellekt texnologiyalari joriy etiladi

O‘zbekistonda sun’iy intelekt texnologiyalarini 565 ta davolash-profilaktika muassasalarida joriy etish rejalashtirilmoqda.

«Aholi salomatligi-2030» milliy strategiyasining 2024-2026 yillarga mo‘ljallangan amaliy tadbirlar rejasiga ko‘ra, sun’iy intelekt texnologiyalarini joriy etish bo‘yicha loyihaoldi o‘rganish ishlari amalga oshiriladi.

Loyihaning texnik topshirig‘ini ishlab chiqish va vakolatli organlardan ekspertizadan o‘tkazish mo‘ljallanmoqda.

Sun’iy intelekt texnologiyalarini 41 ta respublika ixtisoslashtirilgan tibbiyot muassasalari, 128 ta davolash-profilaktika muassasalarida bosqichma-bosqich joriy etish ko‘zda tutilmoqda.