Tamash Shuyok Vengriyaning yangi prezidenti etib saylandi
67 yoshli Shuyok bu lavozimda mojaro ortidan iste’foga chiqqan Katalin Novak o‘rnini egallaydi.
Vengriya parlamenti mamlakat Konstitutsiyaviy sudi raisi Tamash Shuyokni prezident lavozimiga tayinladi. U 5 martdan yangi lavozimda faoliyatini boshlaydi.
67 yoshli Shuyok hukmron «Fides» va uning koalitsiya bo‘yicha hamkori Xristian-demokratik xalq partiyasidan nomzod edi. U 2014 yilda Konstitutsiyaviy sud a’zosi bo‘ldi. 2016 yilda Konstitutsiyaviy sud raisi lavozimiga saylandi.
Vengriyada prezident vakolatlari qonun bilan cheklangan. Ularning bir qismidan faqat hukumat tomonidan qo‘llab-quvvatlansagina foydalanish mumkin. Mamlakatda prezident parlamentdagi yashirish ovoz berish yo‘li orqali 5 yil muddatga saylanadi.
Avvalroq, Vengriya prezidenti Katalin Novak bolalarga nisbatan jinsiy zo‘ravonlikni yashirganlikda ayblangan shaxsning avf etilishi bilan bog‘liq mojaro ortidan iste’foga chiqqan edi. U 2022 yil mart oyida prezidentlik faoliyatini boshlagan va Vengriya tarixidagi birinchi prezident ayol bo‘lgan edi.
Mavzuga oid
13:50 / 05.10.2024
Orban: Vengriya Xitoy tovarlariga YeI bojlari oshirilishiga qarshi
20:55 / 03.10.2024
Yevrokomissiya Vengriya ustidan Yevropa sudiga da’vo kiritdi
14:10 / 01.10.2024
Borrel: Vengriya tufayli YeIda Ukrainaga yordam bo‘yicha birdamlik yo‘q
13:40 / 19.09.2024