O‘zbekistonda «Eng namunali mahalla raisi» tanlovi o‘tkaziladi

Joriy yildan boshlab ilk marotaba fuqarolar yig‘inlari raislari orasida “Eng namunali mahalla raisi” tanlovi o‘tkaziladi. Bu haqda O‘zbekiston mahallalari uyushmasi rais o‘rinbosari Abdulla Aslanov ma’lum qildi.

Unga ko‘ra, tanlovning 1-bosqich (sektor miqyosida) – joriy yil 19-25 fevral kunlari, 2-bosqich (tuman/shahar miqyosida) – 26-29 fevral kunlari, 3-bosqich (Qoraqalpog‘iston Respublikasi, viloyatlar va Toshkent shahar miqyosida) – 1-10 mart kunlari o‘tkaziladi.

Tanlov g‘oliblari 22 mart - Mahalla tizimi xodimlari kuni arafasida e’lon qilinadi.

Aholi muammolarini o‘rganish va hal qilish hamda “mahalla yettiligi”ning faoliyati tizimini samarali tashkil etish bo‘yicha “Andijon tajribasi” ishlab chiqildi va amaliyotga joriy etildi.