100 mingdan ziyod yuqori sinf o‘qituvchisining malakasi yangi metodikalar bo‘yicha oshiriladi 

Ta’limni rivojlantirish respublika ilmiy-metodik markazi bo‘lim boshlig‘i Shavkat Xo‘jaqulov ma’lum qilishicha, markaz tashabbusi bilan joriy yilning yanvar oyidan boshlab umumiy o‘rta ta’lim tashkilotlari pedagoglari uchun metodik marafonlar o‘tkazish yo‘lga qo‘yildi.

4-10 yanvar kunlari o‘tkazilgan dastlabki marafonda hududlardan jami 15 000 nafarga yaqin pedagog ishtirok etdi.

Marafon davomida markaz mutaxassislari va trener o‘qituvchilar tomonidan matematik, tabiiy-ilmiy, o‘qish savodxonligi kabi yo‘nalishlar bo‘yicha 30 tadan ortiq vebinar o‘tib berildi.

Shu jumladan, bu kabi marafonlar 26 yanvar kuni qoraqalpog‘istonlik o‘qituvchilar uchun qoraqalpoq tilida ham tashkil etildi.

Navbatdagi metodik marafonlar bahorgi ta’til vaqtlarida tashkil etilishi rejalashtirilmoqda.