Britaniya tashqi ishlar vaziri Markaziy Osiyoga kelmoqchi ekanini aytdi
«Markaziy Osiyo – biz ko‘proq ishlamoqchi bo‘lgan yo‘nalishlardan biri», dedi Devid Kemeron. Avvalroq MO va Buyuk Britaniya o‘rtasida C5+1 formatidagi sammit o‘tkazilishi mumkinligi xabar qilingandi.
Buyuk Britaniya tashqi ishlar vaziri Devid Kemeron Markaziy Osiyo davlatlariga tashrif buyurishni rejalashtirmoqda. Bu haqda u 5 mart kuni bo‘lib o‘tgan parlament muhokamalarida gapirdi.
«Biz butun dunyo bo‘ylab ittifoq va sheriklik tarmog‘imizni mustahkamlash tarafdorimiz. Markaziy Osiyo – biz ko‘proq ishlamoqchi bo‘lgan yo‘nalishlardan biri. Men u yerga borishni rejalashtirmoqdaman. U yerda biz hamkorlik qilishimiz kerak bo‘lgan sohalarni biladigan barcha bilan davra suhbati o‘tkazaman», dedi Kemeron.
Eslatib o‘tamiz, 2023 yil dekabr oyida Buyuk Britaniya hukumatining Markaziy Osiyo davlatlaridan kelgan hamkasblari bilan 2024 yilda S5+1 formatida sammit o‘tkazishi rejalashtirilgani ma’lum qilingan edi. Britaniya parlamentiga taqdim etilgan hisobotda mualliflar britaniyalik vazirlarning O‘zbekiston, Qozog‘iston, Qirg‘iziston, Tojikiston va Turkmaniston hukumatlari bilan samarasiz hamkorligini tanqid qilgan, shuningdek, mintaqada Rossiya va Xitoyning ta’siriga faolroq qarshi turishga chaqirgan.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024