O‘zbekiston va Eron viloyatlari o‘rtasida birodarlik munosabatlari o‘rnatiladi

Eronning Yazd ustoni Xorazm viloyati bilan hamkorlik aloqalarini yo‘lga qo‘yishga qiziqish bildirmoqda.

Foto: «Dunyo» AA

O‘zbekiston elchisi Fariddin Nasriyev Eronning Yazd ustoni (viloyati) gubernatori Mehran Fatemi bilan uchrashuv o‘tkazdi, deb xabar bermoqda "Dunyo".

Muloqot chog‘ida ikki mamlakat o‘rtasida savdo-iqtisodiy, investitsiyaviy, turizm va madaniy-gumanitar aloqalarni yangi bosqichga ko‘tarish hamda hududlararo hamkorlikni chuqurlashtirish masalalari muhokama qilindi.

Mehran Fatemi, shuningdek, hududlararo hamkorlik doirasida Yazd va Xorazm viloyatlari o‘rtasida birodarlik munosabatlarini o‘rnatishga qiziqish bildirdi.

Tomonlar mazkur yo‘nalishdagi vazifalarni boshlash maqsadida galdagi tadbirlar rejasi to‘g‘risida ham fikr almashildi.