Prezident Xitoy jamoat xavfsizligi vaziri bilan hamkorlik masalalarini muhokama qildi
Shavkat Mirziyoyev 1 aprel kuni Xitoy Davlat kengashi a’zosi, jamoat xavfsizligi vaziri Van Syaoxun boshchiligidagi delegatsiyani qabul qildi.
Uchrashuvda xavfsizlikka nisbatan zamonaviy xatar va tahdidlarga qarshi kurashishda amaliy hamkorlikni yanada kengaytirish va birgalikdagi sa’y-harakatlarni muvofiqlashtirish masalalari ko‘rib chiqildi.
Davlat rahbari O‘zbekiston bilan Xitoy o‘rtasidagi do‘stlik va barcha sharoitlarda strategik sheriklik munosabatlari bugun yuksak darajaga ko‘tarilganini alohida mamnuniyat bilan ta’kidladi. Huquqni muhofaza qilish sohasida samarali idoralararo hamkorlik uchun mavjud salohiyat va imkoniyatlar qayd etildi.
Ustuvor yo‘nalishlar sifatida jamoat xavfsizligining asosiy yo‘nalishlari bo‘yicha tajriba almashish va qo‘shma tadbirlar o‘tkazish, zamonaviy axborot texnologiyalari va innovatsion usullarni joriy qilish, kiberjinoyatchilikka qarshi kurashish, malakali mutaxassislarni tayyorlash va boshqalar ko‘rsatib o‘tildi.
Mintaqaviy hamkorlik masalalari yuzasidan ham fikr almashildi.
Mavzuga oid
08:00
O‘zbekiston va Xitoy o‘rtasida maxfiy axborotni himoya qilish to‘g‘risidagi bitim ma’qullandi
22:02 / 01.10.2024
Qozog‘iston Xitoyga gaz yetkazib berishni ko‘paytirish uchun yana bir gaz quvuri qurmoqchi
20:27 / 01.10.2024
Qirg‘izistonda «Xitoy-Qirg‘iziston-O‘zbekiston» temiryo‘l kompaniyasi ofisi ochildi
20:11 / 01.10.2024