Urganch tumanida ikkita guruh o‘rtasidagi ommaviy janjalning oldi olindi
Guruh tarkibida bo‘lgan 2 nafar shaxs o‘rtasida kelib chiqqan o‘zaro nizoni tanishlarni jalb qilgan holda, guruh-guruh bo‘lib hal qilishga uringan.

Foto: IIB axborot xizmati
Xorazm viloyatining Urganch tumanida ommaviy janjalning oldi olindi. Bu haqda Xorazm viloyati IIB xabar berdi.
Qayd qilinishicha, 31 mart kuni IIB Tezkor-qidiruv xizmatiga Urganch tumani, «Bog‘dorchi» mahallasi hududida 30 nafarga yaqin fuqaro o‘zaro guruh-guruh bo‘lib janjallashishni rejalashtirgani to‘g‘risida ma’lumot kelib tushgan.
Hodisa joyiga zudlik bilan yetib borgan viloyat IIB va DXX boshqarmasi tezkor xodimlari tomonidan o‘zaro hamkorlikda amalga oshirilgan chora-tadbirlar natijasida, ushbu guruhlar o‘rtasida rejalashtirilgan o‘zaro janjalning oldi olingan. Aniqlanishicha, ushbu ikki guruh tarkibida bo‘lgan 2 nafar shaxs o‘rtasida kelib chiqqan o‘zaro nizoni tanishlarni jalb qilgan holda, guruh-guruh bo‘lib hal qilishga uringan.
Holat yuzasidan Jinoyat kodeksining 277-moddasi 3-qismi (Bezorilik) bilan jinoyat ishi qo‘zg‘atilib, 9 nafar shaxs ehtiyot chorasi sifatida qamoqqa olingan, shuningdek hodisa ishtirokchisi bo‘lgan yana 6 nafar shaxs Ma’muriy javobgarlik to‘g‘risidagi kodeksning 183- (Mayda bezorilik) va 194-moddalariga (Ichki ishlar organlari xodimining qonuniy talablarini bajarmaslik) asosan 15 sutka muddatga ma’muriy qamoqqa olingan.
Mavzuga oid

12:33 / 02.05.2025
«Bunda xorijiy turist u yoqda tursin, mahalliy sayyoh ham boshqa davlatga borishni afzal ko‘radi» - prezident chiptalar narxi haqida

15:41 / 01.05.2025
Prezident Al-Xorazmiy shaharchasining qurilishini ko‘zdan kechirdi

20:24 / 02.04.2025
Xorazmda pulini ko‘paytirib berishni aytib, mingdan ortiq odamni chuv tushirgan shaxs ushlandi

16:38 / 18.03.2025