Qoʻshimcha funksionallar
-
Tungi ko‘rinish
Kuchli jala sababli Dubay aeroportida qolib ketgan o‘zbekistonliklarga yordam berildi
Ularga konsullik-huquqiy yordam ko‘rsatilgani, oziq-ovqat mahsulotlari tarqatilgani ta’kidlanmoqda.
Foto: dunyo.info
16 aprel kuni Birlashgan Arab Amirliklarida kuchli jala quyishi, suv toshqini yuz berishi oqibatida Dubay xalqaro aeroporti o‘z faoliyatini vaqtincha to‘xtatgan edi. Shu sababli, aeroportda qolib ketgan O‘zbekiston fuqarolariga konsullik-huquqiy yordam ko‘rsatildi, oziq-ovqat mahsulotlari tarqatildi.
Qayd qilinishicha, «Dubay – Toshkent» yo‘nalishi bo‘yicha parvozni amalga oshirishi kerak bo‘lgan Centrum Air aviakompaniyasi samolyoti parvozi noqulay ob-havo sharoiti tufayli bekor qilingan. Oqibatda O‘zbekistonning 52 nafar fuqarosi 1 kun davomida Dubay xalqaro aeroportining kutish zalida qolib ketgan.
Ta’kidlanishicha, hamyurtlarni O‘zbekistonga qaytarish bilan bog‘liq masalalarni hal etish maqsadida O‘zbekiston Bosh konsulxonasi, Uzbekistan Airways va Centrum Air aviakompaniyalari vakillari Dubay xalqaro aeroporti mutasaddilari bilan uchrashuv o‘tkazgan. O‘zbekistonliklar 17 aprel kuni Uzbekistan Airways samolyoti bilan vatanga qaytgan.
Mavzuga oid
22:09 / 21.11.2024
Dubayda dunyodagi eng katta oltin yombi namoyish etildi
20:51 / 03.11.2024
Ispaniya qiroli va qirolichasi Valensiyada loybo‘ron qilindi
15:59 / 03.11.2024
Ispaniyada asrning eng vayronkor toshqini. To‘rt kun o‘tib yana nimalar ma’lum?
17:54 / 31.10.2024