Britaniya «eng qirg‘inchi» tank ishlab chiqarish boshlanganini e’lon qildi
Challenger 3 asr o‘rtalariga qadar Britaniyaning asosiy tanki bo‘lib qoladi.
Germaniyaning Rheinmetall korxonasi Buyuk Britaniya uchun eng yangi Challenger 3 tankining sakkizta prototipini ishlab chiqardi, sinovlar davom etmoqda. Bu haqda Buyuk Britaniya hukumati xabar berdi.
Umuman olganda, armiyaga ushbu rusumdagi 148 ta tank yetkazib berish rejalashtirilgan. Challenger 3 mamlakatda 2040 yilgacha xizmat qilishi kutilmoqda.
«Borgan sari xavf ortayotgan dunyoda Challenger 3 kabi tanklarga ehtiyoj juda muhim, chunki Buyuk Britaniya duch keladigan tahdidlar kuchaymoqda. Bu tank Britaniya armiyasining jangovar salohiyatining tayanchi va tiyib turuvchi kuchlarining ajralmas qismi bo‘ladi», dedi Mudofaa vaziri Grant Shapps.
Londonning ta’kidlashicha, Challenger 3 ilg‘or zirh va eng so‘nggi texnologiyaga ega bo‘lib, «bu Britaniya armiyasi tomonidan ishlatiladigan eng qirg‘inchi va bardoshli tankdir». Gap NATO o‘q-dorilari bilan mos keladigan silliq stvolli pushka, shuningdek, yaxshilangan zirh va sensorlar haqida ketmoqda.
Oldingi model - Challenger 2 tankini ishlab chiqarish 30 yil oldin, 1994 yilda boshlangan va 4 yildan so‘ng foydalanishga topshirilgan edi.
Mavzuga oid
21:52 / 17.09.2024
Buyuk Britaniya noqonuniy migratsiyaga qarshi kurashga 75 mln funt ajratadi
20:09 / 14.09.2024
Britaniyada ayol farzandini «ikki marta tug‘di»
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
22:17 / 10.09.2024