O‘zini Markaziy bank xodimi deb tanishtirib, o‘zganing pulini o‘zlashtirgan shaxs ushlandi
Fuqaro internet foydalanuvchilariga o‘zini Markaziy bank mutaxassis xodimi sifatida tanishtirib, ular ishonchiga kirish orqali bank karta ma’lumotlarini qo‘lga kiritgan.
Namangan viloyati Uchqo‘rg‘on tumanida yashovchi 45 yoshli (ayol) U.J. ichki ishlar organlariga murojaat qilib, o‘zining bank kartasidagi 4,1 mln so‘m pullari noma’lum shaxs tomonidan o‘zlashtirilganini ma’lum qilgan.
O‘tkazilgan tezkor qidiruv tadbirlari natijasida mazkur jinoyatni Xorazm viloyatida tug‘ilgan Urganch shahrida yashovchi 25 yoshli Q.J sodir etgani aniqlangan.
Gumonlanuvchi sifatida tergov harakatlariga jalb etilgan Q.J. internet foydalanuvchilariga o‘zini Markaziy bankning mutaxassis xodimi sifatida tanishtirib, ularning ishonchiga kirish orqali bank karta ma’lumotlarini qo‘lga kiritib, bank kartalarida saqlangan pullarni o‘g‘irlab, qing‘ir yo‘llar bilan boylik orttirib kelayotgani ma’lum bo‘ldi.
Mazkur holat yuzasidan K.J.ga nisbatan Jinoyat kodeksining 169-moddasi 3-qismi “b” bandi (o‘g‘rilik, qonunga xilof ravishda (ruxsatsiz) axborot tizimiga kirib yoki undan foydalanib) bilan jinoyat ishi qo‘zg‘atildi.
Mavzuga oid
16:34 / 13.09.2024
Britaniya IIV rahbari mamlakatdagi “o‘g‘rilik epidemiyasi” haqida nutq so‘zlayotganda uning hamyonini o‘g‘irlab ketishdi
14:05 / 12.09.2024
Markaziy bank asosiy stavkani yillik 13,5 foiz darajasida o‘zgarishsiz qoldirdi
15:30 / 09.09.2024
O‘zbekistonning oltin-valuta zaxiralari 39 mlrd dollarga yetdi. Bu – rekord ko‘rsatkich
17:04 / 05.09.2024