Rossiya kompaniyasi O‘zbekistonga elektr energiyasi yetkazib berishni boshlashi mumkin
Rossiyaning «Inter RAO» energetika kompaniyasi O‘zbekistonga elektr yetkazib berishni rejalashtiryapti. Kompaniya kuzatuv kengashi raisi Aleksandra Paninaga ko‘ra, kuzgacha Qozog‘istonning O‘zbekiston energetika tizimiga qanday hajmlarni o‘tkazishi mumkinligiga aniqlik kiritiladi.
Rossiyaning «Inter RAO»(Rossiyadagi elektr energiyasi import-eksport bo‘yicha yagona operator) energetika kompaniyasi kuzda O‘zbekistonga elektr energiyasi yetkazib berishni boshlashi mumkin. Bu haqda kompaniya kuzatuv kengashi raisi Aleksandra Panina ma’lum qilgan.
«Rossiya elektr energiyasi kerak, u kuzgacha berilishi zarur bo‘ladi. Mening o‘ylashimcha, kuzgacha Qozog‘istonning rejalari O‘zbekiston energetika tizimiga qanday hajmlarni o‘tkazishi mumkinligi borasida aniqroq ishlab chiqiladi», - dedi u Sankt-Peterburg xalqaro iqtisodiy forumida.
Avvalroq, Rossiya energetika vaziri Sergey Tsivilev ham Rossiya va O‘zbekiston nafaqat gaz, balki elektr energiyasi yetkazib berishni sezilarli darajada oshirish bo‘yicha faol muzokaralar olib borayotganini aytib o‘tgandi.
Ma’lumot uchun, O‘zbekiston elektr energiyasini Turkmanistondan, yozda esa Qirg‘iziston va Tojikistondan import qiladi. Afg‘onistonga esa eksport amalga oshiriladi.
Mavzuga oid
10:00 / 22.09.2024
Andijon va Xorazm viloyatlarida energiya resurslaridan noqonuniy foydalangan korxonalar aniqlandi
17:31 / 28.08.2024
Elektr energiyasi va tabiiy gaz uchun majburiy to‘lovlarni undirish tartibiga o‘zgartirishlar kiritildi
21:08 / 22.08.2024
Gaz qazib olish qisqaryapti, elektr energiyasi ishlab chiqarish ham kamaygan
15:24 / 19.08.2024