Beeline Uzbekistan ishida uzilishlar kuzatilmoqda

Beeline Uzbekistan aloqa operatori abonentlari 18 iyun kuni mobil internet bilan bog‘liq muammolar haqida xabar berdi.

Kompaniya ma’lumotiga ko‘ra, tarmoqda avariya-tiklash ishlari o‘tkazilmoqda. 

Ba’zi foydalanuvchilar SMS yuborish va qabul qilish imkonsizligi haqida ham xabar bergan. USSD xizmati ishlamoqda.

Shu sababdan ba’zi abonentlarda internet xizmatlari va boshqa servislar ishlashi bilan bog‘liq qisqa vaqtli uzilishlar kuzatilishi mumkin, deyiladi xabarda.

Yaqin orada xizmatlarning ishlashi to‘liq tiklanishi aytilgan.