Senat raisi “Rahbar ayollar maktabi” tinglovchilari bilan uchrashdi
Oila va xotin-qizlar qo‘mitasi, Davlat xizmatini rivojlantirish agentligi va Davlat boshqaruvi Akademiyasi hamkorligida tashkil etilgan “Rahbar ayollar maktabi” maxsus o‘quv-kurslari doirasida 100 nafar xotin-qizlar o‘qitildi.
Joriy yilgi mavsumda Qoraqalpog‘iston Respublikasi, viloyatlar va Toshkent shahridan, shuningdek, vazirlik va idoralarda faol 45 nafar xotin-qizlar saralab olindi va 1 apreldan boshlab ikki oydan ko‘proq vaqt davomida o‘quv reja asosida kasbiy va malakaviy bilimlarini oshirdi.
22 iyun kuni Senat raisi Tanzila Norbayeva ushbu kurs tinglovchilari bilan uchrashuv o‘tkazdi. Uchrashuvda yosh rahbar ayollar uchun muvaffaqiyatga erishish yo‘llari, ijtimoiy va iqtisodiy rivojlanish hamda jamiyatdagi rolini mustahkamlash masalalari muhokama qilindi. Tanzila Norbayeva rahbar ayollar maktabi ayollar yetakchiligini qo‘llab-quvvatlashda va ularning imkoniyatlarini kengaytirishda muhim ahamiyatga ega ekanini ta’kidladi.
Uchrashuv davomida davlat boshqaruvidagi rahbar ayollar hayotidagi burilishlar, tajribalari, turli vaziyatlarda to‘g‘ri qarorlar qabul qilish mahorati haqidagi hayotiy misollar keltirildi. Tinglovchilar turli sohalarni rivojlantirish bo‘yicha taklif va tashabbuslarini ilgari surdi.
Mavzuga oid
11:36
Boysundagi konda halok bo‘lgan xodimlarning oilalari tashlab qo‘yilmaydi - Tanzila Norboyeva
18:55 / 19.09.2024
Korrupsiya oqibatida davlatga eng ko‘p zarar yetkazgan viloyatlar ma’lum qilindi
11:41 / 13.09.2024
Yana uchta vazirlikning 100 dan ortiq boshqaruv xodimlari tadbirkorlik qilishi ma’lum bo‘ldi
19:53 / 10.09.2024