IIV elektron bazasida texnik uzilishlar kuzatilmoqda. Jarimalarni to‘lash imkoniyati cheklanayotgani ma’lum qilindi
Vazirlik 2024 yil 26 iyun kunidan boshlab texnik muammo bartaraf etilguniga qadar bo‘lgan davr ichida jarima qarorlarining o‘tib ketgan imtiyozli davri avtomatik ravishda qayta tiklab berilishini ma’lum qildi.
Ichki ishlar vazirligining tegishli elektron bazasida texnik uzilishlar kuzatilmoqda. Bu haqda vazirlikning telegram kanalida xabar berildi.
Oqibatda, migratsiya va fuqarolikni rasmiylashtirish hamda yo‘l harakati qoidalarini buzganlik uchun jarimalarni to‘lash bilan bog‘liq davlat xizmatlarini ko‘rsatish imkoniyati cheklanmoqda.
Ma’lum qilinishicha, hozirda mutaxassislar tomonidan yuzaga kelgan nosozliklarni bartaraf etish choralari ko‘rilmoqda va qisqa muddatlarda to‘lov tizimlari ishga tushiriladi.
Qayd etilishicha, 2024 yil 26 iyun kunidan boshlab texnik muammo bartaraf etilguniga qadar bo‘lgan davr ichida jarima qarorlarining o‘tib ketgan imtiyozli davri avtomatik ravishda qayta tiklab beriladi.
“Yuzaga kelgan noqulayliklar uchun uzr so‘raymiz”, deyiladi xabarda.
Mavzuga oid
07:20
Daraxtlarni kesish va qasddan quritish uchun jarimalar oshiriladi
22:21 / 18.09.2024
Yevropa Ittifoqi sudi Google’ga belgilangan 1,5 mlrd yevrolik jarimani bekor qildi
23:46 / 13.09.2024
Shri-Lankada kapalak o‘g‘rilari 200 ming dollar jarimaga tortildi
18:07 / 10.09.2024