Andijonda fuqaroni ayovsiz kaltaklagan shaxslar ushlandi
Bir necha kishi temir bo‘laklari va bita bilan bir kishini ayovsiz kaltaklagan. Hozirda ularga nisbatan jinoyat ishi qo‘zg‘atilgani aytilmoqda.

Foto: Videodan kadr
Ijtimoiy tarmoqlarda Andijonda bir guruh shaxslar bir kishini temir bo‘lagi va bitalar bilan kaltaklayotgani aks etgan video tarqaldi. Holat yuzasidan viloyat IIB axborot xizmati munosabat bildirdi.
Unda aytishicha, internentda tarqalgan holat bo‘yicha jinoyat sodir etishda gumonlanayotgan barcha shaxslar ushlangan.
Ularga nisbatan Xo‘jaobod tumani IIB huzuridagi tergov guruhi tomonidan Jinoyat kodeksining 105-modda 2-qismi “i” bandi bilan jinoyat ishi qo‘zg‘atilgan.
Qayd etilishicha, hozirda jinoyat ishi yuzasidan dastlabki tergov harakatlari olib borilmoqda.
“Ushbu jinoyatni sodir etishda gumonlanayotgan shaxslarga nisbatan jazoning muqararligi ta’minlanadi”, deyiladi munosabatda.
Ma’lumot uchun, Jinoyat kodeksining 105-moddasi 2-qismi “i” bandida (bir guruh shaxslar tomonidan qasddan badanga o‘rtacha og‘ir shikast yetkazish) nazarda tutilgan jinoyatni sodir etgan shaxslarga uch yildan besh yilgacha ozodlikdan mahrum qilish jazosi tayinlanishi ko‘zda tutilgan.
Mavzuga oid

22:07 / 29.04.2025
Shuhratbek Abdurahmonov Bahodirlar o‘yinlarining Osiyo federatsiyasi prezidenti etib saylandi

21:45 / 29.04.2025
Yangilangan yo‘lak va perronlar, buziladigan aerovokzal – Andijon xalqaro aeroportidan reportaj

11:02 / 29.04.2025
Andijonda Qirg‘iziston bilan bog‘lovchi yashirin tunnel qaziganlarga hukm o‘qildi

21:57 / 26.04.2025