AQShda dovullar mavsumi juda erta boshlandi. Olimlar vaziyat yanada og‘irlashishi mumkinligini aytmoqda

8 iyul kuni «Beril» dovuli Texas shtati sohillariga yetib kelgan. U Qo‘shma Shtatlarga Saffir-Simpson shkalasi bo‘yicha birinchi darajali to‘fon sifatida yetib keldi. Bungacha «Beril» Karib havzasidan orollar, jumladan Yamayka orqali o‘tgan va bu yildagi ilk eng yuqori, beshinchi darajali dovulga aylangandi. Odatda kuchli dovullar bu mintaqada yilning kechroq davrida yuzaga keladi. Olimlar bu holatni global isish bilan bog‘lamoqda. «Mavsum boshidagi bunday faollik, katta ehtimol bilan, mavsumning notinch kechadigan pik davri yaqinlashayotgani belgisi sanaladi», — degan CNN muxbiriga Kolorado universitetining dovullar bo‘yicha mutaxassisi Fil Klotsbah.