Quloqni «yalab o‘tgan» o‘q, Trampni yashirgan soqchilar va sahnada qolgan tufli. Fotosuratlar

AQShning 45-prezidenti, yana bir marta prezidentlikka saylanish uchun nomzodini qo‘ygan Donald Tramp 13 iyul kuni Pensilvaniyaning Batler shahridagi miting nishoniga aylandi. FQB versiyasiga ko‘ra, uni 20 yoshli Tomas Mettyu Kruks o‘qqa tutgan. Hujum vaqtida o‘q Trampning o‘ng qulog‘ini yalab o‘tgan. AQSh Maxfiy xizmati xodimlari darhol sobiq prezidentni o‘rab olib, sahnadan olib ketishgan. Tramp sahnadan ketayotganida qo‘lini musht qilib yuqori ko‘targan — bu orqali u o‘z tarafdorlariga o‘zi bilan barchasi joyida ekani haqida signal yuborgan. Suiqasd oqibatida mitingga kelganlardan biri halok bo‘lib, ikki kishi yaralangan. O‘t ochgan shaxs Maxfiy xizmat xodimlari tomonidan o‘ldirilgan.

The New York Times fotografi Dag Mills Trampning boshi yonidan o‘tib ketgan o‘qni suratga olgan. Kadrda o‘q qoldirgan izni ko‘rish mumkin. FQBning iste’fodagi agenti Mafkl Harrigan ham fotodagi chindan o‘q izi ekanini tasdiqlagan.