Mayk Pompeo Trampning Ukraina bo‘yicha ehtimolli tinchlik rejasini tasvirlab berdi
Agar saylovda g‘alaba qozonsa, Donald Tramp Ukrainaga lend-liz doirasida yarim trillion dollar taqdim etishi, Ukrainaga yetkazilayotgan qurol-yarog‘larga joriy etilgan taqiqlarning barchasini olib tashlashi mumkin, degan AQSh davlat departamentining sobiq rahbari Mayk Pompeo.
«AQSh soliq to‘lovchilarining gardaniga yangi hisoblar osish o‘rniga, Ukrainaga Rossiya ustidan g‘alaba qozonishi uchun qurol-yarog‘ sotib olishiga qancha pul kerak bo‘lsa shuncha qarz olishga qo‘yib beringlar», — deb yozgan Pompeo The Wall Street Journal nashrida, Trampning Ukrainadagi urushni tugatish bo‘yicha rejasi qanday bo‘lishi mumkinligini tushuntira turib.
Sobiq davlat kotibi Tramp Moskva bilan bo‘lajak kelishuvning shartlarini aniqlashtirib olish maqsadida Rossiyaga qarshi “real” sanksiyalar joriy etishi ham mumkin degan. Pompeoning so‘zlariga ko‘ra, bu holda hech kim Donbass va Qrimning Rossiyaga qo‘shilganini tan olmaydi.
«Xuddi biz Boltiqbo‘yining SSSRga qo‘shilganini, GDRni 1974 yilgacha tan olmaganimiz singari», — degan Pompeo.
Bunday yondashuvning amalga oshirilishi natijasida jangovar harakatlar to‘xtaydi, Ukraina mudofaa kuchlarini oshirib oladi, degan sobiq mulozim. Shundan so‘ng mamlakat “AQSh soliq to‘lovchilarining dollarlari hisobiga emas, Rossiya Markaziy bankining muzlatilgan aktivlaridan reparatsiyalar” hisobiga tiklana boshlaydi. O‘z navbatida, Rossiyadan xalqaro sanksiyalar Ukraina NATOga va Yevropa Ittifoqiga qabul qilinganidan so‘ng olib tashlanadi, deya muxtasar qilgan Pompeo.
Mavzuga oid
19:37 / 24.09.2024
AQShda parkdan o‘g‘irlab ketilgan olti yoshli bola 70 yildan so‘ng topildi
19:24 / 24.09.2024
AQShda ikki kishida miyani yeb qo‘yadigan chuvalchanglar aniqlandi
09:50 / 24.09.2024
RF AQSh saylovlariga ta’sir qilish uchun ko‘plab SI-kontentni ishlab chiqqani aytildi
23:07 / 23.09.2024