AQShda «Debbi» bo‘roni kamida to‘rt kishining hayotiga zomin bo‘ldi
Katta miqyosdagi suv toshqinlari qayd etilmoqda, 250 mingdan ortiq odam elektr ta’minotisiz qolgan.

Foto: Reuters / Octavio Jones
AQShning janubi-sharqiy sohillariga yopirilgan «Debbi» bo‘roni oqibatida kamida to‘rt kishi halok bo‘ldi.
Florida shtatining Tampa shahridagi 75-shosseda yuk mashinasi haydovchisi boshqaruvni yo‘qotib, halok bo‘ldi, deya xabar beradi Milliy meteorologiya xizmati (NWS).
Shtat rasmiylari, shuningdek, yo‘l-transport hodisasida ayol va 12 yoshli bola hayotdan ko‘z yumgani, ko‘chma uy ustiga daraxt qulashi oqibatida esa bir yigit halok bo‘lgani haqida ham xabar berdi.
Bo‘ronlarni kuzatish milliy markazi ma’lumotlariga ko‘ra, «Debbi» tropik bo‘ron darajasiga chiqqan va Florida shtatidagi Steynxatchi shahri yaqiniga soatiga 80 milya (taxminan 130 kilometr) tezlikda yopirilgan.
Florida rasmiylari shtatning markaziy qismida keng ko‘lamli suv toshqinlari haqida xabar bermoqda. Kuchli shamol daraxtlar va elektr ustunlarini qulatib, 250 mingdan ortiq odamni elektr ta’minotidan mahrum qildi.
NWS ta’kidlashicha, mamlakat janubi-sharqining ayrim qismlarida «bir necha kun davomida bo‘ronlar, kuchli yog‘ingarchilik va suv toshqini kutilmoqda».
Bundan tashqari, FlightAware reyslarni kuzatish sayti ma’lumotlariga ko‘ra, kecha 1700 dan ortiq reyslar bekor qilingan va 5800 dan ortiq reys kechiktirilgan.
Mavzuga oid

14:15 / 04.05.2025
«Ikki urushni ham biz yutgandik». Tramp amerikaliklarning jahon urushlaridagi g‘alaba kunini nishonlashga qaror qildi

23:59 / 03.05.2025
AQSh Xalqaro kosmik stansiyani moliyalashtirishni qisqartiradi

22:42 / 03.05.2025
AQShda jismoniy shaxslar buyurtma qilgan xorijiy tovarlar uchun bojsiz rejim bekor qilindi

21:31 / 03.05.2025