Xitoyda 47 yoshli ota 18 yoshli o‘g‘li bilan birga universitetga o‘qishga kirdi
Dastlab, erkak o‘g‘lini qo‘llab-quvvatlash maqsadida maktabda qayta o‘qishni boshlagan, so‘ng yoshlikdagi orzusini amalga oshirish uchun universitetga kirishga qaror qilgan.
Xitoyda 47 yoshli ota va uning 18 yoshli o‘g‘li birga imtihon topshirib, universitetlarga o‘qishga kirdi. Bu haqda South China Morning Post nashri xabar berdi.
Lyu Aoxan Pekindagi Beyhan universitetining Aerokosmik muhandislik fakultetiga o‘qishga kirdi, uning otasi Lyu Jianbo esa Guansi pedagogika universitetining biznesni boshqarish fakulteti talabasi bo‘ldi.
Jianbo bunday imkoniyatga o‘g‘li bilan birga maktabni bitirganidan keyin ega bo‘ldi. Erkak farzandini qo‘llab-quvvatlash uchun o‘rta maktabning ikkinchi sinfidan boshlab o‘qishda unga hamrohlik qilgan. Bunday yondashuv o‘z samarasini berdi: Aoxan sinfdagi eng yaxshi o‘quvchiga aylandi, otasi unga o‘rnak bo‘ldi. Jianbo bir vaqtning o‘zida temiryo‘l sohasida menejer bo‘lib ishlardi.
Otaning o‘zida ham o‘qishga ishtiyoq kuchli bo‘lgan. Yoshligida u oilasini boqish uchun maktabdan keyin darhol ishlay boshlagan. Ammo erkak doim universitet talabasi bo‘lishni orzu qilgan va oxir-oqibat bunga erishdi.
Unga ham o‘qib, ham ishlash mumkin emas, shuning uchun erkak universitet unga darslarga erkin qatnashish uchun ruxsat berishiga umid qilmoqda. Aks holda, u so‘nggi chora sifatida nafaqaga chiqqanidan keyin o‘qishni davom ettirmoqchi.
Mavzuga oid
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:34 / 16.09.2024
Tencent internet giganti asoschisi Xitoyning eng badavlat insoniga aylandi
00:18 / 15.09.2024
Xitoy yangi avlod palubali qiruvchi samolyotini sinovdan o‘tkazishni boshladi
07:31 / 14.09.2024