Kommunal xizmat ko‘rsatishda huquqni qo‘llash amaliyoti bir xilligi ta’minlanadi

Qonunlardagi oqova suvlarni chiqarib yuborish bo‘yicha xizmatlar ko‘rsatish bilan bog‘liq tushunchalar "Ichimlik suvi ta’minoti va oqova suvlarni chiqarib yuborish to‘g‘risida"gi qonun normalariga muvofiqlashtirilmoqda.

Prezident tomonidan imzolangan qonun bilan ayrim qonun hujjatlariga o‘zgartirish va qo‘shimchalar kiritildi.

Qizil kitobga kiritilgan kamyob va yo‘qolib ketish xavfi ostida turgan yovvoyi holda o‘suvchi o‘simliklar hamda yovvoyi hayvonlar turlarini tabiiy muhitdan ajratib olishni cheklashga qaratilgan o‘zgartirish va qo‘shimchalar kiritilmoqda.

Shuningdek, Yangi O‘zbekiston ma’muriy islohotlari hamda ekologiya va atrof-muhitni muhofaza qilish sohasining transformatsiyasi munosabati bilan ekologiya, o‘rmon xo‘jaligi sohasidagi davlat organlarining vakolatlari aniqlashtirilmoqda.

Bundan tashqari, qonunlardagi oqova suvlarni chiqarib yuborish bo‘yicha xizmatlar ko‘rsatish bilan bog‘liq tushunchalar "Ichimlik suvi ta’minoti va oqova suvlarni chiqarib yuborish to‘g‘risida"gi qonun normalariga muvofiqlashtirilmoqda.

Qonun rasmiy e’lon qilingan kundan e’tiboran kuchga kiradi.