Xitoy va Filippin kemalari bahsli hududda bir-biri bilan to‘qnashib ketdi
Hodisa Xitoy sohil qo‘riqlash xizmatining 5205 kemasi hamda Filippinning yirik patrul kemalaridan biri bo‘lgan Teresa Magbanua ishtirokida yuz bergan.
Janubiy Xitoy dengizining bahsli hududida Xitoy va Filippinga tegishli kemalar o‘zaro to‘qnashib ketdi, deb xabar beradi Reuters.
Xitoy sohil qo‘riqlash xizmatining ma’lum qilishicha, Filippinga tegishli kema noqonuniy ravishda Janubiy Xitoy dengizining Syanbin rifi hududiga kirgan va Xitoyga tegishli kemani «qasddan turtib ketgan».
Filippin sohil qo‘riqlash xizmati esa «to‘qnashuvda» Pekinni aybladi.
Singapurning CNA kanali ma’lumotlariga ko‘ra, hodisa Xitoy sohil qo‘riqlash xizmatining 5205 kemasi hamda Filippinning yirik patrul kemalaridan biri bo‘lgan Teresa Magbanua ishtirokida yuz bergan.
Xitoyning Filippin bilan Janubiy Xitoy dengizidagi hududiy bahsi davom etmoqda — Haaga arbitraj sudi Xitoy ushbu hududlarda hech qanday huquqqa ega emasligi bo‘yicha qaror chiqargan.
19 avgust kuni Filippinning Palavan orolidan 200 kilometr, Xitoyning Xaynanidan esa 1000 kilometr uzoqlikda ham har ikki davlat kemalari to‘qnashib ketgandi. Ushbu hudud orqali Xitoy va Hind okeani orqali muhim savdo yo‘li o‘tgan.
Bahorda AQSh Hind-Tinch okeani qo‘mondonligi rahbari admiral Jon Akilino Vashington Xitoyning harakatlaridan xavotirda ekanini bildirgandi. Pekinning Janubiy Xitoy dengizida nazoratni o‘rnatish bo‘yicha bir tomonlama qadamlarini Akilino «xavfli, noqonuniy va mintaqani beqarorlashtiruvchi», deb atagan edi.
Mavzuga oid
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:34 / 16.09.2024
Tencent internet giganti asoschisi Xitoyning eng badavlat insoniga aylandi
00:18 / 15.09.2024
Xitoy yangi avlod palubali qiruvchi samolyotini sinovdan o‘tkazishni boshladi
07:31 / 14.09.2024