O‘zbekistondagi maktab va universitetlarda ishlash uchun AQShdan yana 20 nafar o‘qituvchi keldi
Amerikalik 20 nafar o‘qituvchi O‘zbekistonga 10 ta hududdagi maktab va universitetda ingliz tilidan dars berish uchun keldi.
Yangi o‘quv yilida O‘zbekistondagi maktab va universitetlarda 20 nafar amerikalik ingliz tili o‘qituvchici ish boshladi.
Ular 2024−2025 o‘quv yilida O‘zbekistonning 10 ta viloyatida ingliz tilini o‘qitish va o‘rganishga yordam beradi. 2019 yildan buyon mamlakatda 21 ta davlat maktabi va 30 dan ortiq universitetda 98 nafar amerikalik ingliz tili o‘qituvchisi ishlamoqda.
Amerikalik mutaxassislardan foydalangan holda ingliz tilini o‘rgatish tashabbuslari 2019 yilda AQSh elchixonasi, Maktabgacha va maktab ta’limi vazirligi hamda Oliy ta’lim, fan va texnologiyalar vazirligi tomonidan boshlangan.
«Loyiha AQSh hukumatining O‘zbekistonda ingliz tili ta’limini kuchaytirish, jumladan, butun mamlakat bo‘ylab 18 mingdan ortiq ingliz tili o‘qituvchisini tayyorlash borasidagi ulkan majburiyatlarining faqat bir qismidir», — deyiladi xabarda.
2018 yildan buyon AQSh hukumati O‘zbekistonda ingliz tili o‘qitish va o‘rganishga 31,2 million dollardan ortiq sarmoya kiritgan.
Mavzuga oid
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:59 / 19.09.2024
Eronlik xakerlar Bayden shtabiga Tramp haqida ma’lumotlar yuborgani ma’lum bo‘ldi
13:20 / 19.09.2024
Sanksiyalar chetlab o‘tilishi: AQSh Xitoydan uran importini tekshiryapti
12:00 / 19.09.2024