Surxondaryoda tadbirkor o‘zi tahsil olgan maktab uchun 630 o‘rinli yangi bino qurib berdi

Surxondaryo viloyatida tadbirkorlardan biri o‘zi o‘qigan maktab uchun yangi bino qurib bergan. Bu haqda viloyat hokimligi axborot xizmati xabar bermoqda.

Ma’lum qilinishicha, tadbirkor Jamshid Pardayev o‘zi tahsil olgan Oltinsoy tumanida joylashgan 48-sonli maktab uchun yangi bino qurib bergan.

Yangi maktab binosi zamonaviy ko‘rinishda qurilgan bo‘lib, unda o‘quvchilarning bilim olishi uchun barcha qulayliklar qilingan.

Jumladan, intellektual sinfxonalar, sport zal, mini stadion, kutubxona, majlislar zali, kompyuter sinflari va oshxona barpo qilingan.