Koreya O‘zbekistonda innovatsion loyihalarni amalga oshirishga qiziqish bildiryapti
Avtomobil sanoati uchun ehtiyot qismlar va elektrotexnika ishlab chiqarish bo‘yicha qo‘shma investitsiya loyihalarini amalga oshirish yuzasidan kelishuvga erishildi.
4 oktyabr kuni Tashqi ishlar vazirligida Koreya Respublikasi elchisi Von Do Yon ishtirokida "O‘zbekiston–Koreya sanoat-akademik innovatsiyalar haftaligi 2024" tadbirida qatnashish uchun O‘zbekistonga kelgan avtomobilsozlik va elektrotexnika sohasidagi bir qator Janubiy Koreya kompaniyalari vakillari bilan uchrashuv bo‘lib o‘tdi.
Janubiy Koreya vakillari ikki mamlakat kompaniyalari o‘rtasida innovatsiya va ta’lim sohalaridagi hamkorlik istiqbollari hamda fikr almashish uchun samarali platformaga aylangan tadbir muvaffaqiyatli o‘tkazilganini mamnuniyat bilan qayd etdilar.
Investitsiya va savdo-iqtisodiy sohalardagi ikki tomonlama munosabatlarni yanada rivojlantirish va kengaytirish masalalari alohida muhokama qilindi.
Uchrashuv yakunida avtomobil sanoati uchun ehtiyot qismlar va elektrotexnika ishlab chiqarish bo‘yicha qo‘shma investitsiya loyihalarini amalga oshirish yuzasidan kelishuvga erishildi.
Mavzuga oid
10:10 / 20.09.2024
Koreya O‘zbekiston hududlarida pellet klasteri tashkil etadi
11:52 / 04.09.2024
Koreya o‘zbekistonlik yoshlarni xalq tabobatiga asoslangan farmatsevtika sohasida o‘qitishni rejalashtirmoqda
13:09 / 31.08.2024
O‘zbekistonliklar Koreyaga mavsumiy viza bo‘yicha ham ishga yuboriladi
07:07 / 23.08.2024