1,8 mingta kasbni qamrab oluvchi kasbiy standartlar ishlab chiqiladi

“O‘zbekiston milliy malaka tizimini yanada takomillashtirish chora-tadbirlari to‘g‘risida”gi prezident qarori qabul qilindi.

2026 yil 1 dekabrga qadar ilg‘or xorijiy tajriba asosida 1800 ta kasbni qamrab oluvchi kasbiy standartlar ishlab chiqiladi va amaliyotga kiritilishi ta’minlanadi.

Quyidagilar milliy malaka tizimini isloh qilishning asosiy yo‘nalishlari etib belgilandi, jumladan:

xalqaro standartlar asosida Mashg‘ulotlar, kasb va lavozimlar milliy klassifikatorini ishlab chiqish va rivojlantirish;
malaka ramkalari, kasbiy standartlar va malaka talablarini ish beruvchi talablari asosida ishlab chiqish, joriy etish va rivojlantirish;
yangi avlod kasbiy standartlar asosida mehnat munosabatlarini tartibga solish;
milliy malaka tizimining normativ-huquqiy, institutsional va uslubiy asoslarini takomillashtirish;
norasmiy va informal orttirilgan ko‘nikma va malakalarni tan olish (Recognition of Prior Learning) tizimini joriy qilish;
ko‘nikmalarni prognozlashtirish (skills anticipation), ko‘nikmalarga bo‘lgan ehtiyojlarni tahlil qilish (skills needs analysis), ko‘nikmalar bilan bog‘liq kamchiliklarni o‘rganish (skills gap analysis) vositalari va metodologiyalarini ishlab chiqish va joriy etish.