Dorilarning postmarketing nazorati o‘tkaziladi

Farmatsevtika mahsulotlarini postmarketing nazoratidan o‘tkazish tartibi belgilandi. Vazirlar Mahkamasi qarori bilan “Farmatsevtika mahsulotlarini postmarketing nazoratidan o‘tkazish tartibi to‘g‘risida”gi nizom tasdiqlandi.

Nizom quyidagilarni nazarda tutadi:

marketingdan keyingi nazoratni amalga oshiruvchi vakolatli organ va ishchi organning vazifalari;
marketingdan keyingi nazoratni amalga oshirish tartibi va muddatlari;
postmartketing nazoratini amalga oshirishning moliyaviy nazorati.

Postmarketing nazorati vakolatli organ (Sog‘liqni saqlash vazirligi huzuridagi "Farmatsevtika mahsulotlari xavfsizligi markazi" DM) tomonidan xo‘jalik yurituvchi sub’yektlarning moliya-xo‘jalik faoliyatiga aralashmagan holda amalga oshiriladi.

Marketingdan keyingi nazorat uchun quyidagilar asos bo‘ladi:

vakolatli organ rahbari tomonidan har oyda tasdiqlanadigan marketingdan keyingi nazorat rejasi;
jismoniy va yuridik shaxslardan, shu jumladan davlat organlari va tashkilotlaridan farmatsevtika mahsulotlarining sifati, xavfsizligi, noqonuniy aylanishi, nojo‘ya ta’sirlari bo‘yicha ma’lumotlar va murojaatlar kelib tushishi;
axborot-kommunikatsiya texnologiyalaridan foydalangan holda OAV axboroti va jamoatchilik fikrini o‘rganish natijalari.