Uzex Agro platformasi ishga tushirilmoqda

Hujjat bilan O‘zbekiston Respublika tovar-xomashyo birjasi huzurida tashkil etilgan Agro Exchange MChJning quyidagi asosiy vazifalari belgilandi:

• aholi xo‘jaliklarida, shuningdek dehqon va fermer xo‘jaliklarida yetishtirilgan qishloq xo‘jaligi mahsulotlarini erkin bozor narxlarida sotish imkonini beruvchi Uzex Agro elektron savdo maydonchasining uzluksiz ishlashini ta’minlash;
• platformaning texnik qo‘llab-quvvatlanishini va bozor tamoyillari asosida ko‘rsatilayotgan xizmatlarni doimiy takomillashtirishni ta’minlash;
• hududlarda qishloq xo‘jaligini yuritish uchun mo‘ljallangan bo‘sh yerlarni kengaytirish orqali zamonaviy agrokomplekslarni tashkil etish;
• agrokomplekslar atrofida jozibador investitsiya loyihalarini amalga oshirish uchun qulay sharoitlar yaratish.

 
2025 yil 1 yanvargacha platforma orqali mahsulot sotish uchun aholi, fermer va dehqon xo‘jaliklaridan vositachilik haqi olinmaydi.

Qaror bilan Uzex Agro elektron savdo maydonchasida qishloq xo‘jaligi mahsulotlarini sotish tartibi to‘g‘risidagi nizom tasdiqlandi. U quyidagilarni nazarda tutadi:

• platformada savdo ishtirokchilarini ro‘yxatdan o‘tkazish tartibi;
• operator va platforma ishtirokchilarining huquq va majburiyatlari;
• e’lonlarni joylashtirish va savdolarni o‘tkazish tartibi.