Qoʻshimcha funksionallar
-
Tungi ko‘rinish
O‘zbekistonning birinchi elchisi Xorvatiya TIVga ishonch yorliqlari nusxalarini topshirdi
O‘zbekistonning Xorvatiyadagi elchisi etib tayinlangan Oybek Shaxavdinov (qarorgohi Budapesht shahrida) Xorvatiya Tashqi va Yevropa ishlari vazirligi protokol boshqarmasi boshlig‘i Mirta Yelens Jupanga o‘zining ishonch yorliqlari nusxalarini topshirdi.
Foto: Dunyo
Uchrashuvda O‘zbekiston va Xorvatiya o‘rtasidagi ikki tomonlama hamkorlikning bugungi holati va istiqbollari muhokama qilindi.
Tomonlar turli sohalarda, jumladan, iqtisodiyot, madaniyat va ta’lim yo‘nalishlarida o‘zaro manfaatli aloqalarni chuqurlashtirish muhimligini qayd etdilar.
Mirta Yelens Jupan Oybek Shaxavdinovning ushbu lavozimga tayinlanishi ikki davlat o‘rtasidagi munosabatlar rivojida yangi bosqich bo‘lishiga ishonch bildirdi va unga o‘zaro hamkorlikni mustahkamlash yo‘lida muvaffaqiyatlar tiladi.
Oybek Shaxavdinov ikki tomonlama munosabatlar tarixida O‘zbekistonning Xorvatiyadagi birinchi elchisi bo‘ldi. U 2024 yil mart oyida O‘zbekistonning Vengriyadagi elchisi lavozimiga tayinlangan edi.
Mavzuga oid
10:39 / 25.03.2025
O‘zbekiston va Xorvatiya migratsiya bo‘yicha hukumatlararo bitimni ishlab chiqadi
15:02 / 24.03.2025
O‘zbekiston Xorvatiya bilan qo‘shma biznes-forum o‘tkazadi
14:43 / 13.03.2025
O‘zbekiston fuqarolari Xorvatiyaga ishlash uchun jo‘natiladi
11:11 / 07.02.2025