London dezinformatsiya uchun RFning 3 agentligiga qarshi sanksiyalar kiritdi

Britaniya, Londonga ko‘ra, "Ukraina va uning demokratiyasini buzish va beqarorlashtirish" uchun dezinformatsiyadan foydalanishga uringan uchta Rossiya agentligi va ularning uch nafar yuqori martabali xodimlariga nisbatan sanksiyalar kiritdi. Bu haqda 28 oktyabr, dushanba kuni Britaniya hukumati ma’lum qildi.

Cheklovlar "Agenstvo sotsialnogo proyektirovaniya", "Struktura" kompaniyalar guruhi va "Dialog" avtonom notijorat tashkilotiga nisbatan qo‘llandi. Londonda ta’kidlanganidek, ular Kiyevga xalqaro yordamni susaytirish maqsadida ta’sir o‘tkazish amaliyotlarini amalga oshirgan.

London 37 kompaniyani RF neftiga sanksiyalarni chetlab o‘tishda gumon qilmoqda

Buyuk Britaniya hukumati 37 kompaniyani Rossiya neftiga sanksiyalarni chetlab o‘tishda ishtirok etganlikda gumon qilmoqda. Ularga nisbatan tergov harakatlari olib borilmoqda, deb xabar qildi Britaniyaning VVS media kompaniyasining rus xizmati 11 oktyabr kuni.

2022 yil dekabr oyida Rossiya neftining Yevropa Ittifoqi mamlakatlariga dengiz orqali yetkazib berilishiga embargo, shuningdek, Rossiyadan neftning bir barreliga 60 dollarlik narx chegarasi kuchga kirdi. Bu qarorlar Ukrainadagi urushni davom ettirayotgan Rossiyaning daromadlarini kamaytirish maqsadida qabul qilingan, biroq ayni paytda narxlarning ko‘tarilishiga yo‘l qo‘ymaslik uchun jahon bozoriga Rossiya ta’minotini saqlab qolish ko‘zda tutilgan.

2022 yil dekabrida Buyuk Britaniya Moliyaviy sanksiyalarni qo‘llash byurosi (OFSI) Rossiya neftini dengiz orqali import qilish taqiqini buzganlikda gumon qilingan 52 kompaniyaga nisbatan tergov boshladi. Joriy yilning mart oyida OFSI sanksiyalar rejimini ta’minlash uchun qo‘shimcha 50 million funt (taxminan 60 million yevro) oldi.