Lukashenko: RF Belarus orqali Polsha, Litva, Latviya va Ukrainaga hujum qilmoqchi emas

Belarus prezidenti Aleksandr Lukashenko Polsha, Litva va Latviyani qo‘shni sifatida munosabatlarni o‘rnatishga chaqirdi. Bu haqda Belarus rahbari Mosti shahrida bo‘lib o‘tgan «Dajinki-2024» festival-yarmarkasi chog‘ida fermerlarni taqdirlash marosimida aytib o‘tdi.

«Biz qo‘shnimiz. Qo‘shnilar tanlamaydi. O‘zaro munosabatlarimizni qo‘shnilardek quraylik. Agar xohlamasangiz, qilmang. Biz hamkorlik qiladigan boshqa davlatlarni topamiz. Ammo agar biz sizni tark etsak va bizga qiziq bo‘lish to‘xtasa, keyin biznikiga kira olmaysiz, — deya Lukashenkoning so‘zlarini keltirgan BELTA.

Belarus prezidenti, shuningdek, Rossiya Belarus orqali Polsha, Litva, Latviya yoki Ukrainaga hujum qilish niyatida emasligini ta’kidladi.

«Rossiya Belarus orqali Polsha, Litva yoki Latviya yoki Ukrainaga hujum qilmoqchi emas. Bema’nilik! Belarusda hech kim o‘z qo‘shnilari yoki NATO bilan bizni xabardor etmasdan jang qilmoqchi emas. Aynan ular bizni va Rossiyani bo‘g‘ib qo‘yishni o‘z oldilariga maqsad qilib qo‘ygan va bugun shu maqsad sari intilib, sabab izlamoqda. Hammasi oddiy: ular bizni biror narsa uchun qoralash uchun sabab qidirmoqda», — dedi Lukashenko.

Belarus rahbari, shuningdek, Belarusning «ko‘priklar qurish» qobiliyatiga e’tibor qaratdi.

«G‘arb rasmiylaridan farqli o‘laroq, biz tushunamizki, barcha qarama-qarshiliklarga qaramay, hatto turli qirg‘oqlarda bo‘lsak ham, eng muhimi ko‘prik qura olishdir. Biz har doim shunday qilganmiz va bundan keyin ham qilamiz», — deya xulosa qildi u.