Britaniya Yangi Toshkentda barpo etiladigan obektlarni loyihalashda ishtirok etmoqchi

Jyeyms Dauen O‘zbekistonda qurilish va me’morchilik sohalarida amalga oshirilayotgan islohotlarni e’tirof etdi. Shuningdek, DFA kompaniyasi respublikadagi manfaatdor idora va korxonalar bilan hamkorliklarni yo‘lga qo‘yishga tayyorligini bildirdi.

Muzokara davomida Yangi Toshkent shahrida barpo etilishi rejalashtirilayotgan obektlarning arxitektura-qurilish loyihalarini DFA kompaniyasi mutaxassislari ishtirokida ishlab chiqish masalalari muhokama qilindi.

Uchrashuv yakunida DFA kompaniyasi va O‘zbekistonning manfaatdor idora hamda tashkilotlari o‘rtasida aloqalarni o‘rnatish to‘g‘risida kelishib olindi.

DFA kompaniyasi yirik, murakkab va zamonaviy arxitektura loyihalari bo‘yicha o‘z xizmatlarini taqdim etadi. Muassasa Londonda ta’sis etilgan. Hozirgi kunga qadar kompaniya tomonidan jahonning ko‘plab mamlakatlarida yirik loyihalar muvaffaqiyatli amalga oshirilgan.