Suriyadagi urushda qatnashib, vaziyatni yoritayotgan o‘zbekistonlik shaxs qidiruvda ekani ma’lum qilindi

Vazirlikka ko‘ra, Abu Valid taxallusi bilan faoliyat yurituvchi Nuriddinov Xudoyor Baxtiyor o‘g‘li 1994 yilda Farg‘ona viloyati Rishton tumanida tug‘ilgan.

Unga nisbatan DXX tomonidan «terrorchilik faoliyatini amalga oshirish maqsadida o‘quvdan o‘tish yoki harakatlanish» (JK 155-2-modda), «O‘zbekiston Respublikasi Konstitutsiyaviy tuzumiga tajovuz qilish» (JK 159-moddasi), «qonunga xilof ravishda chet elga chiqish yoki O‘zbekistonga kirish» (JK 223-moddasi) va «taqiqlangan tashkilotlar tuzish hamda ularga rahbarlik qilish, ishtirok etish» (JK 244-2-modda) moddalari bilan jinoyat ishi qo‘zg‘atilib, qidiruv e’lon qilingan.

«X.N. 2016 yilda Rossiyaga mehnat muhojiri sifatida borib, u yerda xalqaro terroristik tashkilotlar g‘oyalari ta’siriga tushib, Suriyaning Idlib shahriga ketgan. U yerdan turib olib borgan targ‘ibot ishlari oqibatida bir qancha yurtdoshlarimiz janglarda ishtirok etib halok bo‘lgan. Ayni vaqtda X.N. ijtimoiy tarmoqlar va YouTube videoxostingi orqali o‘zining jinoiy qilmishlariga diniy tus berib, jihodga chorlovlarni davom ettirmoqda», — deyiladi IIV xabarida.

Vazirlik u yuritayotgan sahifalar O‘zbekiston hududida taqiqlangani, ularni saqlash, olib yurish va tarqatish jinoiy javobgarlikka sabab bo‘lishini ma’lum qilgan.