Suriyaning yangi hukumati Eron va Isroil fuqarolarining mamlakatga kirishini taqiqladi

Turkish Airlines 23 yanvardan Damashqqa parvozlarini qayta tiklaydi. Aviatashuvchi haftasiga uch marotaba parvozlarni amalga oshiradi. Aviakompaniya Suriya hukumati tomonidan mamlakatga kirish taqiqlanganlarning to‘liq ro‘yxatini e’lon qildi:

• yo‘lovchilar o‘zlarining Suriya fuqarosi ekanini tasdiqlovchi hujjatlarni taqdim etishlari kerak;
• Isroil va Eron fuqarolarining Suriyaga kirishi taqiqlanadi;
• Livan fuqarolarining agar ota-onalaridan biri Suriya fuqarosi yoki mamlakatda yashash huquqini beruvchi ruxsatnomaga yoki boshqa davlat vizasiga ega bo‘lsa, kirishlari mumkin;
• jurnalistlar Suriyaga kirish uchun maxsus ruxsatnoma olishlari kerak.

Avvalroq Suriya poytaxti Damashqdagi aeroport, Baas partiyasi rejimi ag‘darilganidan keyin birinchi marta xalqaro qatnovlarni tiklagani to‘g‘risida xabar berilgandi. Shuningdek, Suriyada Bashar Asad rejimi ag‘darilganidan keyin yangi hukumat mamlakatga chet el mahsulotlari importiga qo‘yilgan taqiqni bekor qilgan.