Andijon tumanida kitob o‘qigan ayollarga kommunal to‘lovlar to‘lab beriladi

Andijon tuman hokimi Boburjon Yuldashev tashabbusi bilan 20 yoshdan 45 yoshgacha bo‘lgan onalar o‘rtasida «Ma’rifatli ona» kitobxonlik tanlovi o‘tkaziladi, deb xabar berdi tuman hokimligi.

«Ota-onasi kitob o‘qisa, buni ko‘rgan bolasi ham kitob o‘qiydi», dedi Yuldashev tanlov haqida e’lon qilar ekan.

Ta’kidlanishicha, har bir mahalladan kamida bir oila tanlovda ishtirok etadi va g‘oliblarning kommunal to‘lovlari to‘lab beriladi.

Jumladan, uch nafar 1-o‘rin egasiga 6 oylik elektr, gaz, ichimlik suvi va boshqa turdagi kommunal to‘lovlarga vaucher beriladi.

Uch nafar 2-o‘ringa 4 oylik kommunal to‘lovlar, uch nafar 3-o‘ringa 2 oylik kommunal to‘lovlar uchun vaucher beriladi.