Qoʻshimcha funksionallar
-
Tungi ko‘rinish
Soliq qo‘mitasi tadbirkorlarni tekshirish samaradorligi bo‘yicha eng yomon tashkilot deb topildi
Biznes-ombudsman 43 ta davlat tashkilotining tadbirkorlik sohasidagi tekshiruvlarining samaradorligini baholadi. 10 ta tashkilotning faoliyati “yaxshi”, 7 tasiniki “qoniqarli”, 26 ta regulyatorniki esa “qoniqarsiz” deb topildi. Soliq qo‘mitasi (–45 ball), O‘simliklar karantini va himoyasi agentligi (–40 ball) va Qurilish inspeksiyasi (–35 ball) eng yomon ko‘rsatkich qayd etgan.
Biznes-ombudsman davlat organlari va tashkilotlarining tadbirkorlik sub’yektlaridagi davlat nazoratiga oid faoliyatini baholadi.
Eng yaxshi ko‘rsatkichni Hisob palatasi (95 ball) qayd etgan. Undan keyingi o‘rinlarda Din ishlari bo‘yicha qo‘mita (90 ball) va Fuqaro aviatsiyasi agentligi (90 ball). Umuman olganda, 10 ta regulyatorning faoliyati “yaxshi” deb topilgan.
Shuningdek, yana 7 ta davlat tashkilotining harakati “qoniqarli” deya baholangan. Ushbu toifaga kirgan davlat tashkilotlari orasida, xususan, Markaziy bank, Bojxona qo‘mitasi va Qurilish va uy-joy kommunal xo‘jaligi vazirligi bor.
Tadbirkorlik sohasidagi tekshiruvlarning samaradorligi bo‘yicha eng yomon ko‘rsatkichni Soliq qo‘mitasi (-45 ball), O‘simliklar karantini va himoyasi agentligi (-40 ball) hamda Qurilish inspeksiyasi (– 35 ball) qayd etgan. Ularning faoliyati manfiy darajada baholangan.
Yana 9 ta vazirlikning (Maktab, Kambag‘allikni qisqartirish, Oliy ta’lim, Sog‘liqni saqlash, Adliya, Ichki ishlar, Qishloq xo‘jaligi, Favqulodda vaziyatlar, Ekologiya) ish faoliyati ham “qoniqarsiz” deb topilgan.
Mavzuga oid
20:20 / 20.01.2025
Nodavlat OTMlarga norasmiy “soliq” solish davom etayotgani aytilmoqda. Vazirlik buni rad etdi
11:04 / 17.01.2025
200 nafar tadbirkor xalqaro moliya bozoridan 2 mlrd dollar jalb qilishga tayyorlanadi
14:15 / 15.01.2025
Sayyor tekshiruv o‘tkazishda soliq organlarining huquqlari kengaytirildi
09:55 / 15.01.2025