2024 yili qancha elektromobil import qilingani aytildi

O‘zbekiston 2024 yilda xorijdan qiymati 224,8 mln dollarga teng bo‘lgan 24 095 ta elektromobil import qilgan.

Foto: AFP

Statistika agentligi xabariga ko‘ra, eng ko‘p elektromobil import qilgan davlatlar reytingida esa Xitoy peshqadam — 23 982 ta. Keyingi o‘rinda esa Qozog‘iston — 51 ta.

Bundan tashqari, Hongkong (17 ta), Germaniya (15 ta), BAA (13 ta) va AQSh (10 ta)dan elektromobillar olib kelingan.

Avvalroq O‘zbekistonda elektromobillar uchun utilizatsiya yig‘imi oshirilishi haqida xabar berilgandi.

2025 yil 1 maydan boshlab:

ishlab chiqarilgan muddatidan boshlab 3 yildan ortiq bo‘lmagan elektromobillar uchun BHMning 120 baravari (45 mln so‘m);
ishlab chiqarilgan muddatidan boshlab 3 yildan ortiq bo‘lgan elektromobillar uchun BHMning 210 baravari (78 mln 750 ming so‘m) etib belgilanadi.

#import #elektromobil