Husanov – «Manchester Siti»ning eng yuqori baho olgan o‘yinchilari uchligida

Angliya kubogi 1/16 final bosqichida «Manchester Siti» Londonda «Leyton Oriyent» mehmoni bo‘lib, kambek evaziga keyingi bosqichga yo‘llanma oldi. Abduqodir Husanov uchrashuvning eng yaxshi o‘yinchilaridan biri deb topildi.

Foto: Getty Images

Sofascore xalqaro statistik portali «Siti»ning g‘alabasi (2:1) bilan yakunlangan o‘yindan keyin futbolchilar harakatini baholagan. Unga ko‘ra, 2-bo‘limda zaxiradan maydonga tushib, hisobni tenglashtiruvchi gol muallifiga aylangan Abduqodir Husanovning harakatlari 10 ballik tizimda 7,8 ballga baholangan. Bu borada faqatgina Grilish (8,5) va O`Rayli (8) o‘zbekistonlik himoyachidan yuqoriroq baho oldi. Ular asosiy tarkibga tushgandi.

Eslatib o‘tamiz, «shaharliklar» 11 fevral kuni YeChL o‘tish o‘yini doirasida Manchesterda «Real»ga qarshi maydonga tushadi.

#Manchester Siti #Abduqodir Husanov