Shimoliy Koreyada ilmiy ishlarda ChatGPT’dan foydalanilayotgani aniqladi

Shimoliy Koreya o‘zining oliy ta’limdagi sun’iy intellekt sohasidagi tadqiqotlarida Amerikaning OpenAI kompaniyasi tomonidan yaratilgan ChatGPT chatbotidan foydalanmoqda, deb yozadi The Korea Times.

KXDRning tashqi auditoriyaga mo‘ljallangan Voice of Korea nashri reportajiga ko‘ra, Kim Ir Sen universiteti huzuridagi sun’iy intellekt ilmiy-tadqiqot instituti xodimlari ChatGPT va uning funksional imkoniyatlarini o‘rganayotganini aniqlagan.

Institut tomonidan foydalaniladigan o‘quv materiallari ChatGPT foydalanuvchi kiritgan ma’lumotlar asosida matnni qanday generatsiya qilishini tushuntiradi. Shimoliy Koreyada internetga qo‘yilgan qattiq cheklovlar inobatga olinadigan bo‘lsa, tadqiqotchilar servisdan qanday usulda foydalanayotgani noma’lum.

Kim Ir Sen universiteti tadqiqotchisi bo‘lgan Xan Chxol-Chjinning ma’lum qilishicha, institut ilg‘or texnologiyalarni tushunish va o‘zlashtirish, shuningdek, ularni ichki foydalanish uchun moslashtirish yo‘llarini o‘rganishga ixtisoslashgan.

Ma’lumot uchun ChatGPT 2022 yil noyabrda ishga tushirilganidan beri haftasiga 250 million faol foydalanuvchini o‘ziga jalb qilib kelmoqda. 2021 yilda OpenAI qiymati 14 milliard dollardan 157 milliard dollarga chiqib ketgan, daromadi esa noldan 3,6 milliard dollarga yetgan edi.