O‘zbekistonning olti viloyatida qor ko‘chish xavfi e’lon qilindi

O‘zbekistonning Qashqadaryo, Samarqand, Jizzax, Toshkent va Namangan viloyatlarida qor ko‘chish xavfi e’lon qilindi.

Foto: Kun.uz

O‘zgidromet ma’lum qilishicha, bunga 20-25 mart kunlari kutilayotgan yog‘ingarchilik hamda havo haroratining o‘zgarishi sabab bo‘ladi.

Ushbu hududlar:

Qashqadaryo viloyati: Dehqonobod, Kitob, Qamashi, Shahrisabz tumanlarida;
Surxondaryo viloyati: Boysun, Qumqo‘rg‘on, Sariosiyo, Uzun tumanlarida;
Samarqand viloyati: Nurobod, Qo‘shrabot, Samarqand, Urgut tumanlarida;
Jizzax viloyati: Baxmal, Zomin tumanlarida;
Toshkent viloyati: Bo‘stonliq, Ohangaron va Parkent tumanlari (Chotqol tizmasining tog‘lari);
Namangan viloyati: Pop tumani.

Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘ralgan.

Tayyorlagan: Отабек Матназаров

#ko‘chki #qor