Kichik biznes uyushmasi tashkil etiladi

Shavkat Mirziyoyev O‘zbekistonda Kichik biznes uyushmasini tashkil qilish tashabbusini qo‘llab-quvvatladi.

Foto: Prezident matbuot xizmati

Davlat rahbari 19 mart kuni kichik va o‘rta biznes vakillari bilan sohani rivojlantirish masalalari bo‘yicha o‘tkazilgan uchrashuvda raqobatbardosh bo‘lish, yangi bozorlarga kirib borish, standart, yangiliklarga o‘qitish, brend yaratish, startaplarni yuzaga chiqarib, ko‘paytirish uchun Kichik biznes uyushmasini tashkil qilish tashabbusini qo‘llab-quvvatladi.

Kichik biznes bilan ishlashga mahalladagi hokim yordamchisi, mahalla bankiridan tortib, banklar, bandlik vaziri hamda Bosh vazir o‘rinbosarlarigacha juda katta tizim safarbar qilingani ta’kidlandi.

Mutasaddilarga, viloyat hokimlariga kichik biznes vakillari bilan samarali muloqotni yo‘lga qo‘yib, ular ko‘targan tizimli masalalarni tezkor hal qilib borish topshirildi.