Oq uy matbuot kotibi The Atlantic bosh muharririni «Trampning xeyteri» deb atadi

The Atlantic jurnalining bosh muharriri Jyeffri Goldberg AQShning Yamandagi harbiy zarbalari haqidagi sizdirilgan ma’lumotlar bilan bog‘liq janjalni tarqatmoqchi bo‘ldi, chunki u AQSh prezidenti Donald Trampni yomon ko‘radi. Bu haqda Oq uy matbuot kotibi Kerolayn Livitt X'da yozgan. 

«The Atlantic tan oldi: bular harbiy rejalar emas edi. Butun voqea Trampning taniqli nafratchisi tomonidan yozilgan navbatdagi yolg‘on edi», dedi u.

24 mart kuni Goldberg 11 mart kuni «Mayk Uolts» nikli foydalanuvchidan Signal messenjeriga ulanish so‘rovi olgani haqida maqola e’lon qildi. Ikki kundan keyin jurnalist AQSh ma’muriyati a’zolari Yamanga zarba berishni muhokama qilayotgan guruh suhbatiga qo‘shilgani haqida xabar oldi. Jurnalistning so‘zlariga ko‘ra, 15 mart kuni «Pit Xegset» (Pentagon rahbarining ismi) nikli foydalanuvchi Yamandagi «Ansor Alloh» isyonchi harakatining husiychilariga bo‘lajak zarbalar tafsilotlari, jumladan nishonlar, qurollar va zarbalar boshlanishining kutilayotgan vaqtini o‘z ichiga olgan xabarni joylashtirgan, ular, Goldbergning so‘zlariga ko‘ra, ijtimoiy tarmoqlarda birinchi bo‘lib chop etilgan portlashlar haqidagi xabarlarga to‘g‘ri kelgan.

Shu munosabat bilan AQSh prezidenti Donald Tramp mazkur guruh maxfiy ma’lumotlarni e’lon qilmaganini ma’lum qildi. U ma’lumotlar sizib chiqishi mojarosiga qaramay, milliy xavfsizlik jamoasining barcha a’zolariga, shu jumladan Uoltsga ishonchini saqlab qolishini ta’kidladi. Uolts, o‘z navbatida, Goldberg nima uchun yopiq guruhga kiritilganini bilmasligini aytdi.