Andijondagi masjidda sodir bo‘lgan portlash yuzasidan hukumat komissiyasi tuzildi
Komissiyaga bosh vazir o‘rinbosari Ochilboy Ramatov boshchilik qiladi.

Foto: FVV
Bosh vazir matbuot xizmati xabariga ko‘ra, komissiyaga hukumat rahbari o‘rinbosari Ochilboy Ramatov boshchilik qiladi.
Komissiya masjid hududida ro‘y bergan baxtsiz hodisa oqibatida halok bo‘lgan fuqarolarning oila a’zolariga har tomonlama ko‘maklashish hamda jabrlangan fuqarolarga tez tibbiy yordam ko‘rsatish, ushbu baxtsiz hodisaning kelib chiqish sabablarini o‘rganish, shuningdek, bu kabi favqulodda vaziyatlarning oldini olish bilan shug‘ullanadi.
31 mart kuni Izboskan tumanidagi masjid tahoratxonasida gaz portlashi oqibatida uch kishi halok bo‘lib, 10 kishi jarohatlangan. Voqea joyiga viloyat hokimi, FVB, IIB, MG, SSB, prokuratura va «Hududgazta’minot», tuman FVDqT xizmatlari kuch vositalari yetib borib, hodisa oqibatlari bartaraf etilmoqda.
Mavzuga oid

23:19 / 31.03.2025
Andijonda masjidda gaz portladi. Asosiy ma’lumotlar

22:12 / 31.03.2025
Andijondagi masjidda ro‘y bergan portlash yuzasidan jinoyat ishi qo‘zg‘atildi

18:12 / 31.03.2025
Izboskandagi portlash oqibatida 3 kishi halok bo‘lgan - FVV

13:46 / 31.03.2025