O‘zKeysServis zamonaviy servis markazlari va raqamlashtirish tizimi: Qishloq xo‘jaligi texnikalarini ta’mirlashda yangi bosqich

O‘zbekistonda ekish mavsumi boshlandi. Bu paytda qishloq xo‘jaligi texnikalarining soz holatda bo‘lishi hosildorlik darajasiga katta ta’sir ko‘rsatadi. O‘zKeysServis qo‘shma korxonasi shu maqsadda Keys va NyuXolland qishloq xo‘jalik texnikalarini ta’mirlashning markazlashgan tizimini yo‘lga qo‘ygan.

O‘zbekistonda qishloq xo‘jaligi texnikalariga xizmat ko‘rsatish va ta’mirlash sohasidagi eng yirik xizmat ko‘rsatuvchi kompaniyalardan biri bo‘lgan O‘zKeysServis qo‘shma korxonasining respublika bo‘ylab 13 ta servis markazi faoliyat yuritmoqda, ularning har biri zamonaviy texnologiyalar va yuqori malakali mutaxassislar bilan ta’minlangan. Servis markazlarining barchasi zamonaviy o‘lchov va ta’mirlash qurollari bilan jihozlangan. 100 ga yaqin servis va ta’mirlash mutaxassislari Keys va Nyuxolland texnikalariga sifatli ta’mirlash va xizmat ko‘rsatishni amalga oshiradi.

O‘zKeysServis korxonasi direktor o‘rinbosari Sadriddin Davitovning so‘zlariga ko‘ra, respublika bo‘ylab 10 000 dan ortiq texnikaga sifatli servis xizmatlari ko‘rsatilmoqda, bu esa texnika ishlashidagi yuqori samaradorlikni ta’minlaydi.

Qishloq xo‘jaligi hech qachon kutib turmaydi, ekish yoki g‘alla mavsumi bo‘lishidan qat’i nazar texnikalar to‘xtab qolmasligi kerak. 13 ta servis markazimizda 100 ga yaqin mutaxassis Angliyada, Avstriyada, Belgiya, Fransiya, Polsha, Xitoy kabi davlatlarda malaka oshirib keladi.

Injyenerlarimizning barchasi planshetlar bilan ta’minlangan. Raqamlashtirishga o‘tganimiz sababli hamma ishimiz elektron tarzda bajariladi. Servis mutaxassisimiz ombordan ehtiyot qism olishi kerak bo‘lganda joyidan turib buyurtma qiladi, omborda ehtiyot qism tayyorlab turiladi. Bu vaqtdan yutishimizga, mijozning texnikasi tezkor ta’mirlanishiga xizmat qiladi.

Maxsus ta’mirlash bo‘limlarimizdagi dastgohlar AQSh, Fransiya, Angliyadan, Xitoy keltirilgan. Shu asosda shinalarni ta’mirlash yo‘lga qo‘yilgan. Bunda mijozning ishtiroki kerak bo‘lmaydi, chunki markazlashgan holda yuk avtomobillarimiz respublika bo‘ylab qishloq xo‘jaligi texnikalarining ishdan chiqqan shinalarini yig‘ib keladi va Jizzaxdagi maxsus ta’mirlash bo‘limida ta’mirlanadi. Bundan tashqari respublikaning 5ta hududida elektron injyektorlarni ta’mirlash bo‘limlari tashkil qilingan”, - deydi direktor o‘rinbosari.

Ta’lim va yosh mutaxassislar tayyorlash

Korxona Toshkent Irrigatsiya va qishloq xo‘jaligini mexanizatsiyalash instituti hamda Buxoro tabiiy resurslari instituti bilan hamkorlikda zamonaviy texnikalarga xizmat ko‘rsatish bo‘yicha maxsus o‘quv markazlarini tashkil etgan. Bu o‘quv markazlari yosh mutaxassislar uchun zamonaviy texnikalardan foydalanish, ularni ta’mirlash va servis xizmatlari ko‘rsatish bo‘yicha malaka oshirish imkoniyatini yaratmoqda. Shuningdek, talabalar uchun amaliy tajriba olish imkoniyati ham mavjud, chunki servis markazlari ustaxonalarida ular o‘zlarining amaliyotlarini malakali mutaxassislar bilan birga o‘tashmoqda.

Raqamlashtirish va yangi tizimlar

Yuqori unumli texnikalarga xizmat ko‘rsatishdagi xarajatlarni kamaytirish uchun servis markazlarida maxsus ta’mirlash bo‘limlari tashkil qilingan. Masalan, Jizzax servis markazida shinalarni ta’mirlash bo‘limi, Sirdaryo, Jizzax, Buxoro, Qashqadaryo va Namanganda yoqilg‘i nasoslari va elektron injyektorlarni ta’mirlash bo‘limlari, Buxoroda turbokompressorlarni ta’mirlash bo‘limi ishlab turibdi. Shuningdek, har bir servis markazi texnikalarga “YeST” tashxis qo‘yish uchun maxsus kompyuter uskunalari bilan ta’minlangan.

Qo‘shma korxona mijozlarga xizmat ko‘rsatishni yanada qulay va tezkor qilish maqsadida raqamlashtirish tizimiga o‘tgan. Barcha hujjatlashtirish ishlari 100% elektron raqamlashtirish tizimi orqali amalga oshiriladi. Servis mutaxassislari zamonaviy planshetlar bilan ta’minlangan bo‘lib, bu ularga hujjatlarni tez va aniq rasmiylashtirishga imkon beradi. Servis avtomashinalari muntazam ravishda yangi zamonaviy avtomashinalar bilan almashtirib kelinmoqda, ushbu reja asosida 2022-2023 yillarda 22 dona Volkswagen Caddy, 2023-2024 yillarda 18 dona va 2025 yil mart oyida 9 dona Fiat Fiorino rusumidagi avtomashinalar korxona avtoparkini yangilash uchun xarid qilindi va maxsus asbob uskunalar bilan jihozlangan holda servis mutaxassislariga topshirildi. Kutilayotgan natija mijozlarga xizmat ko‘rsatish vaqtini qisqartirish va sifatini oshirishdan iborat.

Jumladan, har bir servis markazi bosh injyenerlari va ombor mudirlari “Ye-PARs” yangi tizimida ehtiyot qismlar bo‘yicha buyurtmalar berish imkoniyatiga ega. Bu tizim ehtiyot qismlar taqchilligining oldini olish va zamonaviy ta’mirlash texnologiyalarini joriy qilishda muhim ahamiyatga ega.

1 yillik texnik xizmat va ehtiyot qismlar – barchasi bepul ta’minlanadi

Korxona shu kunga qadar o‘z texnikalariga bir yil davomida bepul texnik xizmat ko‘rsatishni yo‘lga qo‘ygan edi. Joriy yildan boshlab “Case” hamda “New Holland” brendi ostida rasmiy harid qilingan qishloq xo‘jaligi texnikalariga 1 yil mobaynida bepul texnik xizmat ko‘rsatish va kafolat muddati mobaynida ehtiyot qismlar bilan bepul ta’minlash joriy qilindi.

Qo‘shma korxona o‘zining yuqori sifatli xizmatlari va zamonaviy texnologiyalari orqali qishloq xo‘jaligi texnikalarining uzluksiz ishlashiga katta hissa qo‘shmoqda. Zamonaviy servis markazlari, mutaxassislar tayyorlash markazlari va raqamlashtirish tizimlari korxonaning samaradorligini oshirishga va mijozlar uchun ko‘rsatiladigan xizmatlarni yanada sifatli va tezkor qilishga xizmat qiladi.

Murojaat uchun:

Ehtiyot qismlar va servis uchun: +998 78 120 10 01

Texnika sotuvi uchun: +998900079420

Manzil: Toshkent shahri, Ohangaron yo‘li 2

Mo‘ljal: Rohat aylanasi.

Telegram | Telegram guruh | Instagram

Reklama huquqi asosida